今日我地專程來到IFC千両, 一睹千両總廚笹沼吉先生的風采, 我地係原定表演劏藍鰭吞拿魚的時間早一個鐘頭來到
, 己經有人開始排隊, 我地也急不及待去霸位. 畢竟IFC千両座位有限, 不到半個鐘, 工作人員已宣布預計座位已滿, 排在我地後面的很多人都向隅, 有些不願離去的人唯有係門外觀望
我地呢, 就獲安排係藍鰭吞拿魚前的第三及第四個迴轉位(都算係頭等位^.^). 我地入場時, 那條剛空運到港的藍鰭吞拿魚已經放到劏桌前, 我地都即刻拿起相機影過夠. 今次係我地第一次親眼見到藍鰭吞拿魚, 牠確實非常肥美, 單看表面就知道好新鮮. 不久, 笹沼吉先生終於進場
, 佢非常友善, 還擺了很多劏魚的姿勢比我地影相...
開始劏魚, 不消20分鐘, 笹沼吉先生手起刀落, 已經將藍鰭吞拿魚整條剝皮拆骨, 之後當然是即場為我地砌出新鮮美味的剌身la, 我地首先"認購"左一碟中腹拖羅(即Chu Toro, HK$100), 一共有三件, 真係好新鮮, 入口即溶又唔腥, 吞落肚後魚既鮮味仍然係口到浮游, 如果厚d(好貪心)會更加有口感
. 不過始終都係OToro好味d (即大腹), 尤其係試過築地既喜代村之後.
不過講到魚最珍貴既部份, 必定係最特別又極罕有既魚骹壽司, 即係吞拿魚魚鰓對下近魚鰭部位，這個部位的肉特別厚而嫩滑，藍鰭吞拿魚的魚骹就只得中間約五吋的部份最好吃, 咁大條吞拿魚就是只能砌出十客
(而且係每客一件!!!仲要係薄砌!!!問你死未...)雖然售價頗貴(@HK$65), 我地都毫不猶豫"認購"了一客, 因為真係有錢都未必買得到, 有口都未必食得到(只少係今次), 如果我地係坐山頂位, 魚骹壽司肯定無我地份. 一放入口, 魚油已經滲滿全口, 那如網紋的肉筋沒有半點渣,入口鬆化即溶.
表演完後, 笹沼吉先生還主動地同我地簽名和影相留念
, 今次真係大開眼界, 亦都好欣賞日本"板長"既投入同專業!...笹沼吉先生仲會係另外兩個地方表演, 大家仲有兩個機會品嚐即劏藍鰭吞拿魚, 各位萬勿錯過...
除此之外, 我地仲食左
:
油甘魚壽司, 入口非常之香口, 肉質非常鮮嫩, 食完唔夠侯, 我地仲忍唔住叫左過加強版
(即油甘魚腩)
自家製玉子小食都唔錯, 軟硬適中, 而且好有蛋味, 值得一嚐
至愛既鰻魚壽司一定有叫la, 不過係呢度佢會比一包燒汁你自己決定落幾多, 肉質都算不賴, 不過看到迴轉帶上有部份鰻魚會燒得濃左d, 都係自己點(即我地一向食壽司既做法)為妙.
三文魚腩壽司, 我地總共食左兩碟, 同吞拿魚腩一樣, 都係入口即溶果隻, 而且非常之香口, 水準keep得好好
他他牛壽司, 呢度特別推介, 肉質鮮嫩, 唔太硬, 有咬口
辣味三文魚軍艦, 呢度會比出面食開既砌得大粒d, 不過略嫌唔夠辣味.
不得不提就係呢度做既係江戶前壽司, 故名思義, 手握既飯團相對會較細, 但係每粒飯都好有飯香, 易入口, 令人好開胃
. 仲有呢度既wasabi係呈粒狀架, 都幾特別.
今次為食之旅, 一句講晒, 無得頂呀!!!
