味千拉麵 (已結業)

唔記得小學定係初中時期，味千拉麵啱啱係香港開始崛起，個時的我好少食拉麵，所以同爸爸貪新鮮到了西洋菜街的味千，覺得驚為天人，不停話好食仲成日嚷住要食...而家諗返起只係覺得當時實在太年少無知...因為到左中學之後，都知道依間連鎖真名係「味精拉麵」，都通常會避之則吉。可惜避得一時唔避得一世，因為新來的同事話要食...orz。入到去想坐卡位，但佢話滴水，安排左我地坐另一個位。只見佢地下擺晒水桶，最後我地個位都開始滴水，整間餐廳極之狼狽...。大熱天時，本來想叫個冷麵算了，但見到個炸雞拉麵又想食炸雞（當然唔係想食佢個拉麵），於是就叫左。食物好快就到，炸雞係炸完後切開細細舊，不但好快凍晒仲流失晒肉汁，唯一一個好處就應該係可以鋪開啲，睇落去份量多啲。雖然有少少凍左，但炸雞都唔算太差的，炸得還可以，雞肉唔會乾晒。拉麵就相信好多人食過，也不用多提。麵質好「煙韌」，但你亦可以話太過硬，有點太膠質。湯底方面，細個覺得係好濃的豬骨味會飲好多，今時今日只覺得係太咸太多味精太油，飲都唔想飲。不過香港地食拉麵通常都好貴，難得三十幾蚊有一碗，都明白點解做到成行成市的。順帶一提...飲品方面係冇正常選擇的，淨係得返啲