火山燒 (已結業)

買左火山焼coupon (168+10%) , 其實都唔算太平但就好搵笨, 食5:00-7:00, 食物種類算多，但係我地好似無咩食過落肚，因為不論燒爐同火鍋爐都係唔夠熱（其實係等你冇時間燒咁多），最後以為換個gas可以好D都係差唔多，整整下已經無咗一個鐘...6:15已經同你講last order 最後落單，我地就叫多D啦！不過個火慢到好似烤多士咁! 點會食得晒呀！我地只好多放烏東麵落火鍋爐等佢快熟d，小朋友先有飽肚感😔😔

服務都好一般，由我打去問可唔可以即日買coupon即日用佢話可以，但到現場個負責人又話唔得喎勁串，後來又有個服務員又話佢有聽我電話講過話可以用，真係唔多開胃.

食物質素真係好麻麻，牛肉無牛肉味，粟米無甜味，雞肶菇有d梅...仲有好多麻麻既食物，總之好失望，唔知係咪我地用coupon 所以食物質素就係咁...

我地已經盡量燒但係個爐有問題，係咪可以比多少少時間食埋d野，最後佢都係堅持7:00一定要還檯，服務員仲企係你前邊等你起身勁收理啲碟，根本就無咩人等，我地食淨好多野，好浪費又肚餓😭😭我臨走仲要手揸住包朱古力雪糕凍冰冰含住過口離開 ，我覺得點解要食到咁趕頭趕命😭😭好慘，好似乞兒咁！我地都唔係無比錢架..😭😭都要$185一個人架，所以只此一次！
希望大家買團購之前睇下留言先