珍味泉 (已結業)

勝香園放一個星期暑假，朝早要飲杯鴛鴦食件奶油多，就要搵過第二度。前排成日曬到暈，呢排就成個星期落雨，吃早餐也不宜行得過遠，就來了這間台式食店。朝早人客不算多，可能是對面有間人見人愛的大家樂的關係。都有好幾款早餐，但我仍選例牌的奶油多，在這裡，還是要咖啡較穩陣。奶油多烘得幾香脆，夠晒油但不夠奶，所以不夠香甜。不要看奶油多是容易整的食物，但要弄得好，多士又香脆，也不是度度做得到。杯咖啡是即磨的，泡沫濃郁，都幾香，飲落唔錯，是茶檔咖啡以外的另一個選擇。早餐仲有一碗麥皮，埋單18蚊，都算幾經濟。