新香園 (已結業)

話說勝香園要初七至開，朝早要飲奶茶咖啡又要搵第二度，醒起都幾耐無來，就來幫襯一下。不要看這裡隱在橫巷，朝早堂食外賣都好多人，當然另一個人潮高峰是在下午茶時段。隨便找個門外的位置坐下，又係叫了鴛鴦走糖同奶油多。因為人多，都要坐左成十分鐘至有得食，但看見對面叫了餐蛋米的客人怡然自得的在看報，相當比我等得耐的大有人在。不過個阿姐就不停的向客人解釋，服務態度還算不錯。奶油多上檯變了奶醬多，為免又繼續等，所以唯有照吃。多士正常厚度，烘得透，奶油花生醬搽得夠勻，杯鴛鴦又不錯，起碼交足功課。埋單14 蚊，一試無妨。但見一眾OL在門外企足十分鐘都照等，可見在中環區做檔出色的茶餐廳都係有得做的。