八鍋堂．中日火鍋專門店 (已結業)

女朋友鍾意係個邊爐控，但又鍾意食日本野。所以今個weekend就決定帶佢去兆萬中心既八鍋堂度食任食火鍋加日式放題。一次過滿足佢兩個既欲望。我地要左個4格火鍋，要左皮蛋芫荽湯 (好多料)，豬骨湯(真係有成隻豬骨架)，人蔘雞湯 (都有唔少碎雞件)同蕃茄濃湯。除左可以選擇火鍋湯底，仲有唔少食物可以選擇。火焗個邊可以選擇肥牛，黑豚肉，牛小排等等，海鮮(如蜆，蝦，帆立貝，蠔，蟶子，象拔蚌等等)，應有盡有。如果放題個邊就有壽司，刺身，軍艦/卷物，燒物，沙律等等。另外，仲有自助bar提供食材打邊爐，如蔬菜，牛丸魚蛋，腸仔，豬紅，紅腸，公仔麵，午餐肉等等。呢啲絕對係邊爐不能錯過既食材。仲有自助汽水bar,任飲架!點少得仲有自助自製火焗醬同埋飯後甜品雪糕。食材非常新鮮，一啲腥味都無。牛肉非常新鮮，肥瘦均勻。壽司味道唔錯，刺身有水準。燒物好好味，好香脆。