泰燒遙 (已結業)

朋友仔話突然想食泰菜，無問題，上網睇睇先，最後決定試諾士佛臺泰燒遙，食完行去海運戲院方便麻。貫徹始終每一次都係我最早到，連戲飛都買左喇。細閱 menu，除左有大路泰菜外，仲有好多特別菜色，都好少見呢，但兩個人食唔到幾多啊。朋友仔話好想食生蝦，太普通喎，而且我會叫燒大頭蝦呢，最後朋友仔都係決定放棄生蝦刺生。行到身水身汗好頸渴，飲支冰凍泰啤 Singha 順返條氣先。泰式無骨鳳爪，酸辣度濃郁滿意，撈上木瓜絲、甘筍絲味道特別清新，鳳爪爽脆彈牙，好食。先黎幾碟前菜開開胃，朋友仔話勁肚餓，咁就好喇，前菜即叫即到。大蝦冬陰功湯，想試多幾款菜色，所以叫一碗兩份夠晒數。椰奶、香茅味同樣突出，酸味香濃不嗆不澀，但不太感受到辣味，湯底厚薄適中帶黏性，不錯。大蝦肉質居然爽彈有蝦味，可以媲美新鮮蝦，真係難能可貴。燒大頭蝦，侍應叔叔捉一對大頭蝦比我睇，波士頓龍蝦咁大隻，從來未見過咁巨形架 ﹗那麼一隻夠食咯，唔好意思。燒烤香味直撲過來，熱辣辣又香噴噴，燒蝦味芳香誘人 ﹗顏色鮮艷，賣相吸引，超巨形 size 大頭蝦開邊躺在碟上，少許香料作點綴，澎湃橙黃色蝦膏表露無遺，真係貪心地想一個人獨佔呢 ﹗分甘同味，一人一半。