Cabana Breeze (已結業)

我同朋友都鍾意周圍explore下啲靚餐廳，呢日我地就專門揸車入東涌去呢間充滿住異國風情既餐廳食dinner，感覺就好似去左外國旅行咁。坐喺呢個鳥籠入面食飯，打卡一流。枱上隻鵝好得意。打開餐牌，見到都有幾多選擇。我地唔太肚餓，點左三樣野食，首先係呢個salmon tartar，新鮮既三文魚，再配上微酸既醬汁，好開胃。另外仲點左個crab salad，呢個沙律好豐富，入面有松葉蟹肉、芒果、木瓜同牛油果，好fresh啊！主菜方面，點左意式香辣藍青口，青口大一隻，又新鮮，佢仲配埋酸種麵包，口感紮實，好味道！