泰道 (已結業)

黎過呢間餐廳幾次，每次都有驚喜！餐廳氣氛好正，室外位置好似去左泰國咁。今晚食既幾款野食水準都唔錯。紅咖喱牛舌，平時比較少有咖喱牛舌，咖喱香濃，都幾辣，配蒜蓉包一流！牛舌份量亦好多，而且彈牙。而皮蛋蝦餅十分推介，蝦餅彈牙，好食。平時泰國菜通常都得蝦餅，有皮蛋蝦餅食既較少。蝦醬炒飯好大碟，而且有鑊氣。最後叫左粉絲雜菜煲，熱辣辣岩哂凍天食，粉絲好多，可以當一個main整體感覺良好，坐室外吹住海風好舒服。