Helen’s (已結業)

每當煩嫌時，就好想來一杯cocktail🍹鎮靜一下神經🤭。最近攪新屋裝修好多麻煩濕碎野跟， 捱到今晚我真係好需要酒精呀！慶幸今晚家姐陪我嚟Happy Hour, 佢揀左呢間小酒館，貪佢位置夠方便喎。小酒館其實一啲都唔小，地方好濶落， 裝修帶東南亞風情，好舒適好relax, 好啱三五知己傾下計。家姐唔好酒，所以我地都唔諗住爽飲， 反而點了杯平時少飲嘅cocktail。呢杯Aged Negroni, 啱我呢啲唔鐘意甜酒嘅人， campari 帶有像苦橙的濃郁香味， 加上sweet vermouth, 飲落好清爽， 好適合夏天。家姐就點左杯mojitos, 仲要係virgin添， 所以我連相都懶得影🙄😏。佐酒小食點可以少得呢， 我地就點左兩款。呢款骨骨腸同媽咪買返嚟嗰啲一樣高質，肉質結實，利制作認真。另一款烤雞翼，少少焦，加上七味粉嘅辛辣，超級香口好味啊😋😋😋。而且佢份量出奇地多， 有五串，以呢個價錢真係贏哂啦😜。酒館每張枱都配備骰盅，方便大家可以懷舊一下玩下大話骰，唔使成日滑手機啦！