Lamees

营业中

休息中

我安排西班牙餐廳嘅地中海菜招呼朋友 為了幫朋友洗塵，迎接人生新階段😎 餐廳餸菜真心特別，推介一下🍴我哋今晚食咗呢幾個都幾特別，味道先好食😋白芝麻醬雞胸肉絲沙律🥗雞胸肉嘅份量同埋沙律菜嘅份量都算分布得平均。沙律醬味道都幾香，好似有芝麻油嘅香味喺裏面一樣。而且蕃茄都幾甜，應該係串茄嘅Level鷹嘴豆泥伴羊肉味道都真係幾特別，啲小食來講，都算幾開胃好味🤤 我哋另外叫咗四件Pita bread 🥯 質地有啲似薄餅 pizza果種嚴八爪魚意粉🍝可能地中海嘅菜式，都用好多青椒紅椒碎，撈埋意粉入口，感覺都幾爽口。當餐牌所講，本身意粉都有檸檬、番茜、 蒜蓉、橄欖油，所以入口幾香。八爪魚係值得一讚👍🏼 因為都真係煮得幾冧身、唔會過分煙韌～ 肉質一啲都唔假Kanafeh 係一款經典中東甜品外層鬆脆酥皮碎內裡包著甜芝士。外面嘅酥皮包住裏面嘅芝士，上面再加埋開心果碎。酥皮唔算太口，一層薄薄地、加埋芝士鬆軟，口感可以話係外脆內軟。味道方面都唔會太過濃烈，算係微甜嘅程度。