影片
更多
2019-05-24
164 浏览
平時自己—個成日都頹食, 但同屋企人食飯梗係要食得好啲, 所以就book左一間一直好想食, 但係又覺得偏貴嘅泰菜 - 藍象泰國餐廳。藍象泰國餐廳嘅裝修係以藍色為主調, 俾人種好舒適、好寫意嘅感覺。行入去嘅時候會經過一條帶有藍光嘅走廊, 走廊嘅盡頭有—隻發光嘅鹿裝飾, 帶點神秘又有異國風情。餐廳位落尖沙咀海旁, 日頭景色應該唔錯。<小食拼盤$168> (好味: 4.2/5) (抵食: 3.5/5)小食拼盤非常精緻, 由佢嘅擺盤就可以見到每樣野食都係用心製作。各樣小食都好地道, 有炸蝦餅、豬肉同雞肉串燒、 馬可同豬肉炸雲吞, 配上佢秘製嘅沙爹醬同酸甜醬, 認真好正!<燒豬頸肉$168> (好味: 4/5) (抵食: 3.5/5)豬頸肉好爽口, 食落有啖啖嘅燒烤味, 加上少少嘅調味, 令人想－食再食。<馬沙文咖喱(配羊肉)$238> (好味: 4.4/5) (抵食: 3.5/5)無可否認, 大食妹真係好識食。呢份馬沙文咖喱配羊肉真係－流, 如果你係偏愛椰奶味嘅咖哩, —定會鍾意~佢嘅羊肉好嫩滑, 有少少肥肥地, 但入口即溶。咖哩裏面加上腰果同
平時自己—個成日都頹食, 但同屋企人食飯梗係要食得好啲, 所以就book左一間一直好想食, 但係又覺得偏貴嘅泰菜 - 藍象泰國餐廳。
藍象泰國餐廳嘅裝修係以藍色為主調, 俾人種好舒適、好寫意嘅感覺。行入去嘅時候會經過一條帶有藍光嘅走廊, 走廊嘅盡頭有—隻發光嘅鹿裝飾, 帶點神秘又有異國風情。餐廳位落尖沙咀海旁, 日頭景色應該唔錯。
<小食拼盤$168> (好味: 4.2/5) (抵食: 3.5/5)小食拼盤非常精緻, 由佢嘅擺盤就可以見到每樣野食都係用心製作。各樣小食都好地道, 有炸蝦餅、豬肉同雞肉串燒、 馬可同豬肉炸雲吞, 配上佢秘製嘅沙爹醬同酸甜醬, 認真好正!
<燒豬頸肉$168> (好味: 4/5) (抵食: 3.5/5)豬頸肉好爽口, 食落有啖啖嘅燒烤味, 加上少少嘅調味, 令人想－食再食。
<馬沙文咖喱(配羊肉)$238> (好味: 4.4/5) (抵食: 3.5/5)無可否認, 大食妹真係好識食。呢份馬沙文咖喱配羊肉真係－流, 如果你係偏愛椰奶味嘅咖哩, —定會鍾意~佢嘅羊肉好嫩滑, 有少少肥肥地, 但入口即溶。咖哩裏面加上腰果同紫薯粒, 好特别但又好match。
<油鬆餅$38> (好味: 4.2/5) (抵食: 3.8/5)食咖喱配油鬆餅是常識吧！呢個油鬆餅唔單止有外表, 仲好有內涵。外面金黃鬆脆, 裏面軟Q又多層。激推
<燒大蝦炒金邊粉$152> (好味: 4.4/5) (抵食: 4/5)酸酸甜甜嘅金邊粉, 濕濕嘅口感, 雖然係飯麪類, 唔知點解會越食越肚餓呢
<芒果黑白糯米飯$88> (好味: 4/5) (抵食: 4.2/5)最後當然要食返個泰菜最經典嘅甜品-芒果糯米飯。其實88蚊呢個質素同分量, 係相當親民嘅。滑滑嘅雪糕, 水水嘅芒果, 熱熱嘅糯米飯, －定滿足你三個願望。
大食妹推薦: 燒大蝦金邊粉、馬沙文咖喱、 油鬆餅
张贴
