鮨鶴日本料理 (已結業)

lunch 見到$220 8件sushi加卷物加細烏冬真係好抵咪試下囉，間舖既格調係幾高級既, 諗住會ok啦，坐bar枱等食好野！ 前菜有三樣都幾多，都好食既，由其是蒸蛋！ 之後師傅問我地上唔上得壽司，幾好喎服務都！ 不過佢一野出晒三件真係嚇親，即刻叫停佢！開始三件白身魚基本上冇咩味，3件都冇乜魚味，調味又唔多夠，之後有甜蝦，好味，配蝦膏不錯！拖羅都係正路的，少少酸不過記得佢係$220真係不能太挑剔..到海膽..我聞一聞，有一陣異味..但果刻唔知點解都食左.. 好後悔... 大師傅之後有問我地意見，我地都有講海膽有怪味，好似唔係好新鮮，佢話福岡海膽有時會失手，不過應該唔係唔新鮮，唔新鮮會出晒水既 （心諗出晒水應該唔係唔新鮮咁簡單喇嘛！） 佢地係新開，希望第時水準穩定好多啦！