面光鮮裝修企理，坐得舒服，有自助水吧想飲水都有冷水同熱水可以自己斟。
用qr code掃code點菜，初初以為好抵食，原來係每樣餸加錢，都唔緊要！！！！
個主菜竟然同甜品一齊上，甜品上面有雪糕，我同店員建議可唔可以甜品後上，不要同主菜一起上呢，如果唔係我未食完主菜，個雪糕已經溶咗。店員用唔鹹唔淡嘅中文同我講呢個唔係雪糕🧐，呢個係椰汁！！！
我用匙羹潷起試一啖，再試多一啖，佢的確係雪糕喎！？我解構唔到佢邊一方面係椰汁only?!
開動了!!我叫咗傳統船麵，見佢係廚師推介一定唔會中伏吧，點知一放入口便知底蘊，湯底唔熱，咁可能泰國本身食麵都唔會太熱，都唔緊要！！！我再食金邊粉，好似未熟喎，太硬喇！！後來食粒豬肉丸，滿心期待泰國嘅豬肉丸都好好味，點解佢會有陣酸宿味？！🤮🤢😵
後來再食豬紅，味道質感畀我食車仔麵嘅豬紅還差！！🤢
蘿蔔唔甜淨係得個林，冇味，唔好食！！🤢
我媽咪叫咗冬陰功船麵，冬陰功湯底好一般，佢嘅湯畀我更加唔熱，只可以用暖嚟形容。
佢嘅魚蛋仲差過四×魚蛋，唔好味之餘又無咬口！:(
叫咗豬腩肉仲嚡個背脊肉，又un有咬唔開!
隻蝦有‘梅梅’哋咁
我另外點咗個炸蝦餅，冇死啦，咬落去係脆卜卜好鬆化，但係入面嘅蝦肉好似用粉溝出嚟，唔彈牙淋batbat冇口感，一啲都唔好食😟😧 椰汁芒果糯米飯上面所謂嘅椰汁得個甜味冇椰汁味，糯米飯又係好硬，鍾意食硬嘢嘅朋友可能會喜歡。腸胃唔好的就厂要過來試喇。食唔出芒果糯米飯嘅味道。
😡😠😩食到想反枱，唔會再嚟！！
臨尾去埋單嘅時候隔離枱話佢唔知咩酸酸臭臭，跟住我就望一望佢，佢見到我畀反應佢就問我，你係咪都係有呀。我話係呀。我啲食物都唔掂呀，有酸臭喎。跟住佢話你邊啲呀，我話我係豬肉丸酸叔，咁佢望一望自己碗嘢，佢話死喇，我都有叫豬肉丸喎。原來佢係隻蝦有臭，店員講店員見到我哋有啲面色不對，我就走咗去收銀檯同佢講我話你哋啲嘢真係好唔掂，佢邊收錢邊問我有乜嘢意見。我話會寫食評，佢問我有咩唔好的意見，我咪講晒出來，講到我都唔好意思，不過真係呢個價錢食到好嬲嬲。跟住佢就話下次如果你覺得有意見，可以同佢地講，但我唔會再嚟！！！！
