華嫂冰室 (蝦尾新村)

营业中

休息中

香港已經開左幾間華嫂冰室，但係最鍾意都係去天水圍華嫂冰室，雖則蝦尾新村位置唔係最方便，不過感覺真係最親切既分店，未搬之前既華嫂冰室好近天水圍站，位置好方便成日幫襯！天水圍華嫂冰室其實可以用隱世去形容，唔係一般人識去，所以去得既多數熟路已經去慣去熟，自動波搵位泊車，再自動波撳飛搵凳坐著等叫埋位，邊等位就邊睇定餐牌食乜好，爭取時間！因為肚餓所以就叫左好飽肚既「豬扒雞翼番茄湯米線」，好濃既番茄湯，番茄湯齋飲已經有少少飽，一邊飲湯一邊食米線，啖啖米線都有濃郁既番茄味。豬扒肥瘦適中，即使唔係分開上，浸著番茄湯但係完全唔太影響豬扒既口感，因為煎得好香！除左有塊豬扒仲有兩隻雞翼，同樣煎得好香，而且醃得好入味！