番茄師兄

营业中

休息中

真正嘅蕃茄湯底，會感覺到用好多新鮮蕃茄煲出嚟嘅蕃茄湯底。湯底大有少量嘅蕃茄蓉，仲會配埋新鮮嘅蕃茄肉，食落去比較有口感。叫咗個田園風蕃茄濃湯麵，將麵底變成生菜底，我好鍾意佢哋呢一個配搭，令到唔想吸收澱粉質嘅人可以有多個選擇。蔬菜都好新鮮，無論雞髀菇椰菜蕃茄同埋粟米粒都好食到蔬菜嘅鮮甜味。.另外最吸引我嘅就係炒滑蛋，滑蛋嘅蛋漿依然仲食到滑潤嘅感覺，係一個好好味😋既炒滑蛋。.店舖嘅環境大致乾淨，整體上都坐得好舒服，員工嘅服務態度都好好。店舖係冇水或者茶提供，需要另外叫嘢飲。