影片
更多
2018-12-09
48 浏览
泰國菜一向都係我嘅 all-time favorite，但轉咗新工，大假都要慳d洗，今年無得再番泰國呢個家鄉，唯有食多d泰國菜補番數﹗同baby喺海港城行街買聖誕禮物，行行吓肚餓所以要食個下午茶，經過 Blue Elephant 當然要朝聖一吓﹗星期六+海港城=超爆多自由人，萬0就喺餐廳隔離，難免門口會迫滿人，餐廳入面都好FULL，所以都要等咗陣先入得。見到差不多每枱都有呢個鵲籠，影相呃like一流﹗ 呢個下午茶set有三層，下層同埋中層係鹹點，上層係甜點，當然要由下層食起啦﹗下層有泰式比利時炸蝦、香脆蝦餅、泰式春卷，炸蝦同蝦餅外脆內軟，蝦肉彈牙，點埋泰式辣醬，十分惹味，而泰式春卷口感爽脆，有肉碎、蔬菜絲，有多重口感。中層有柚子蟹肉沙律卷、馬可、皇家宮殿蒸餃子，先食細細粒嘅柚子蟹肉沙律卷，有塊葉仔包住，口感爽脆，柚子味道清新。之後就食馬可，有我最愛嘅新鮮菠蘿，上面有粒味道好熟識，但又講唔出嘅味道，似係由椰絲整成，鹹鹹甜甜咁，好特別。仲有一粒藍色、一粒白色嘅皇家宮殿蒸餃子，餡料係泰式食材，有香茅嘅味道，真係第一次食﹗最後係上層嘅甜品，有斑蘭撻、曖心榴槤撻、泰式辣朱古力，斑蘭撻同曖心榴槤撻
星期六+海港城=超爆多自由人，萬0就喺餐廳隔離，難免門口會迫滿人，餐廳入面都好FULL，所以都要等咗陣先入得。
見到差不多每枱都有呢個鵲籠，影相呃like一流﹗ 呢個下午茶set有三層，下層同埋中層係鹹點，上層係甜點，當然要由下層食起啦﹗
下層有泰式比利時炸蝦、香脆蝦餅、泰式春卷，炸蝦同蝦餅外脆內軟，蝦肉彈牙，點埋泰式辣醬，十分惹味，而泰式春卷口感爽脆，有肉碎、蔬菜絲，有多重口感。
中層有柚子蟹肉沙律卷、馬可、皇家宮殿蒸餃子，先食細細粒嘅柚子蟹肉沙律卷，有塊葉仔包住，口感爽脆，柚子味道清新。之後就食馬可，有我最愛嘅新鮮菠蘿，上面有粒味道好熟識，但又講唔出嘅味道，似係由椰絲整成，鹹鹹甜甜咁，好特別。仲有一粒藍色、一粒白色嘅皇家宮殿蒸餃子，餡料係泰式食材，有香茅嘅味道，真係第一次食﹗
最後係上層嘅甜品，有斑蘭撻、曖心榴槤撻、泰式辣朱古力，斑蘭撻同曖心榴槤撻口感軟滑，撻皮鬆化，但斑蘭味道未見突出，而榴槤味就非常香濃。個人比較欣賞泰式辣朱古力，先係朱古力嘅甜味，辣味再於後段湧出，質地軟滑。
另外加咗$25轉水仙芒果糯米飯沙冰，沙冰裡面好似有糯米飯嘅質感，口感特別。
张贴
