Yuyu Sushi

营业中

休息中

係喜薈入面有好多新餐廳，有啲連鎖都試過，今次試下日本菜。呢間而家做緊同款壽司，第二件半價，所以吸引到我地幫襯。我地叫左兩串燒牛，真係好食嘅，有牛味有口感，不過如果燒嘅時間短啲，無咁熟就好。12件壽司，賣相唔錯，而且食材新鮮，肥瘦適中，當日最好食係帶子。第二件半價就抵食嘅，如果正價食，我就覺得未到果個level。最後嘅清酒煮蜆，清酒味香，蜆肉夠大夠甜無沙，而且數量唔算少。我地算早去，係第一枱客，座位都幾闊，不過佢出餐就比較耐，我地諗住呢啲都好簡單，但係等左20分鐘先開始有食物上枱。