榕記車仔麵 (已結業)

呢間車仔麵分別有兩餸三餸同四餸畀人選擇， 一般車仔麵嘅配料都有。比較特別嘅係有一款叫做薑汁皮蛋貢丸， 咬開粒丸裏面有好濃嘅薑汁， 皮蛋就唔太多覺有。麵底都係幼麵，油麵，粗麵，米粉，河粉，米線。不過今次去食就話冇米線， 所以就轉咗米粉。所謂嘅豬骨湯底唔算好濃味， 額外加咗腩汁同辣汁先叫做有返啲味道。牛腩都算係入味嘅， 不過咬口就麻麻地。沙爹牛肉完全冇沙嗲汁， 純粹係普通用梳打粉 醃過 嘅牛肉浸落個湯， 容易咬，不過就好無味道。整體嚟講 比較失望， 可能普通一間茶記嘅湯粉麵仲好食啲。只此一次 ，永不再嘗試。