幸拉麵 (已結業)

呢間喺炮台山嘅拉麵店喺友邦廣場嘅後面，唔係行錯路都唔知呢條巷有好多食店啊，諗咗陣決定去食拉麵！( •̀ .̫ •́ )✧ 舖頭唔算好大，但我六點半嚟食唔洗排隊，全程都見到拉麵師傅好用心煮嘢食！首先叫咗支可樂，唔知係咪嚟自日本呢，佢特別有氣，真係好飲啲！（朋友都有一樣感覺）然後重頭戲就係呢碗：赤豚拉麵！其實佢係蕃茄底，湯裡面有唔少蕃茄蓉，仲有少少辣，第一次食嘅拉麵係酸酸辣辣，竟然唔會好奇怪，而且好開胃！鐘意食幼麵嘅我食到讚不絕口，特別係呢塊大大大嘅豚肉，又係我嘅第一次啊！仲有另一個第一次！糖心蛋中間有一半都係流心嫁🤩就好似食緊小籠包咁，咬少少已經好多汁彈出嚟！呢碗麵比咗好多第一次嘅感覺我，食完真係有少少幸福啊(❁´ω`❁)