2/3 Dolci (已結業)

大年初一，梗係要拜年，下晝就出咗去九龍塘探+拜年婆婆。完事後，雖然已經行咗成日，但咁大個又一城，梗係要去行一行啦。行到攰，準備走去第二場，但真係想抖一抖，飲杯咖啡中和一下年糕，蘿蔔糕嘅肥膩，明明想去starbucks買杯嘢一路行一路飲就算，但未上到去見到呢間嘢，係樓梯格離，又好有格調咁就坐低飲完先上路啦。明明女友係想食件cake / 或者一杯雪糕嘅，但佢啲雪糕都唔平，同諗起一陣去拜年又食，咁就stick with the plan，飲杯咖啡算啦。叫咗杯cappucinno ，用得meji 奶，milk foam smooth 就走唔甩。佢啲咖啡唔係太濃，我女友就好喜愛，但小弟就一般啦，我都係鍾意重口味少少。冇咩酸味的咖啡，整體份量唔大即使我哋已經order large。總結，係又一城行到攰可以一試無妨。同佢啲雪糕好多味道，女士們可以星期六日同朋友或男朋友一齊試味~