茶屋町 (長沙灣道) (已結業)

到深水埗買手作用品，咁啱經過呢間店，見價錢唔貴又係我鐘意食既日本菜，就抱住“try try”既心入去食，估唔到平價都有好野。佢地有兩款餐牌，一款午市套餐‘另一款係全日既full menu。我食午市套餐，選擇無full menu咁多，但真心抵食。佢有三個咖喱丼飯同兩個意粉便當揀，仲有麵豉湯同雪糕送！因為本人係芝士控，所以即刻揀左吉列芝士黑豚便當。本身以為set lunch應該好細盒，預左食唔飽。但點知個便當都幾大份，飯同主角芝士吉列黑豚都好大份，除左咖喱仲有前菜，個迷你紫薯好甜，我最鍾意係酸酸甜甜既海帶配玉子，超開胃。重點係只係＄68已經有咁大份。不得不提個麵豉湯，佢唔係市面上用粉沖個d，就算我好耐無攪拌，都唔會見到個湯“清”左然後d麵豉湯粉沉曬低。最後set lunch送既雪糕係我好鍾意既抹茶，抹茶味好濃，唔會剩係得個甜字。我見佢full menu有鰻魚飯，可惜午市無，下次一定要叫個鰻魚飯黎食。