中村藤吉香港店 (已結業)

食完晚餐經過呢度見唔多人就衝左入去買黎食，第二次幫趁，新店就初次報到，心大心細浮冰定佢好，最好都係簡左53個大洋既綠茶雪糕筒食。個筒好脆卜卜兼帶香口曲奇，少少蜜糖味而且好鬼死大個，雖然雪糕唔係唧到滿滿的，加賣一pat豆蓉同丸子幾煙un亦唔錯，雪糕幼滑好冰凍，茶味幾香濃。本想一路行一路食但天氣太熱好驚溶，都係選擇站食，價錢比舊店的堂食要平得多喇，店員做得幾快手，其他旦糕朱古力同茶都幾吸引，下次會想買黎試，加上價格定位亦合理呀。