影片
更多
2012-09-11
195 浏览
為左慶祝我男朋友既生日，特意帶佢到馬灣既餐廳望下海景共進晚餐。黎到因為好多人，見到有兩個心水既位置想坐；但可惜已經被訂枱，所以被逼坐係大樹前面大煞風景。菜譜方面其實唔係太多選擇，加上以我唔飲酒既人會覺得無酒精飲品真係好少選擇，希望增加mocktails飲品就最好不過喇！所以最叫左杯棉花糖熱朱古力飲！而我男朋友就叫左杯紅酒。叫侍應黎落單既時候，我翻去頭盆果頁想叫蜜糖烤雞翼，點知侍應講左句：我地無套餐叫！以我係顧客，我會覺得佢好似以為我地俾唔起錢要叫set dinner咁..不過我地叫完哂野之後又勁好服務；而且都係果一個人係咁既態度姐！大致上個全名都唔記得左，不過記得係叫左烤咸豬腿+薯蓉、燴牛尾+薯蓉、蜜糖烤雞翼+薯角。上大盤既時侯發現佢送左粒飯俾我，不過都無傷大雅既！蜜糖烤雞翼好入味，而且唔會太「漏」，正！咸豬腿同牛尾都太「韌」，相反係主菜但食淨好多。薯蓉同薯角唔錯，不過我覺得薯蓉如果滑d就更好喇！我杯朱古力味道夠濃，而且味道亦未至於太甜。而且服務生都好快手，我叫佢俾張櫈我擺袋，轉個頭就拎張櫈黎。我地叫得太多野，而且d碟太大，枱又太細，即刻拎多張枱俾我地；（不過就叫我男朋友拎住碟野...
黎到因為好多人，見到有兩個心水既位置想坐；
但可惜已經被訂枱，所以被逼坐係大樹前面大煞風景。
菜譜方面其實唔係太多選擇，
加上以我唔飲酒既人會覺得無酒精飲品真係好少選擇，希望增加mocktails飲品就最好不過喇！
所以最叫左杯棉花糖熱朱古力飲！而我男朋友就叫左杯紅酒。
叫侍應黎落單既時候，我翻去頭盆果頁想叫蜜糖烤雞翼，
點知侍應講左句：我地無套餐叫！
以我係顧客，我會覺得佢好似以為我地俾唔起錢要叫set dinner咁..
不過我地叫完哂野之後又勁好服務；而且都係果一個人係咁既態度姐！
大致上個全名都唔記得左，不過記得係叫左烤咸豬腿+薯蓉、燴牛尾+薯蓉、蜜糖烤雞翼+薯角。
上大盤既時侯發現佢送左粒飯俾我，不過都無傷大雅既！
蜜糖烤雞翼好入味，而且唔會太「漏」，正！
咸豬腿同牛尾都太「韌」，相反係主菜但食淨好多。
薯蓉同薯角唔錯，不過我覺得薯蓉如果滑d就更好喇！
我杯朱古力味道夠濃，而且味道亦未至於太甜。
而且服務生都好快手，我叫佢俾張櫈我擺袋，轉個頭就拎張櫈黎。
我地叫得太多野，而且d碟太大，枱又太細，即刻拎多張枱俾我地；（不過就叫我男朋友拎住碟野......）
不過我覺得勝在景色夠靚！而且價錢亦唔錯
總好過係我既生日兩個人俾成千幾蚊但無野好食選擇少得誇張，食到一肚氣！
加上係呢d環境更加容易打開心窗講好多野
走既時候仲故意走出沙灘慢步離開，非常浪漫！
张贴
