影片
更多
2020-03-07
683 浏览
之前同男友去K11 Musea都會食隔離間雪糕店，我話不如試下隔離果間，佢就話食過純素雪糕覺得好鞋好難食，所以唔肯試下。今次唔同喇🤭！可能疫情關係，食開嗰間食雪糕店無開，我就拉佢黎食呢間純素雪糕店，而且有位坐添，可以慢慢食。點解我想食呢間因為我啲腸比較敏感，有時食咗奶類會搞肚痛，而呢間雪糕店嘅雪糕標明不含奶類， 適合有乳糖不耐症或對腸胃較敏感嘅人食用，亦都適合純素食者食用。見到雪櫃有心型檸檬賣，好得意！我點左個介紹有含80%菲律賓紅肉火龍果嘅雪糕，有少少似雪芭但少咗冰多咗cream嘅感覺，都幾滑，一啲都唔鞋！(邊個話純素雪糕鞋架！🙄😂) 男友試榴槤雪糕，杯裝賣相都幾似💩😏😂，但比火龍果雪糕更creamy，好似食緊雪凍咗嘅榴槤蓉咁。眼見斑蘭蛋糕好似海綿蛋糕咁鬆軟，但話係心太軟，買埋黎試下，估唔到有少少驚喜，雪櫃睇佢好似好有彈性，但係出到嚟好似有少少脆皮，用匙羹撥開係好稠嘅溶醬，唔係流心，但係班蘭嗰個味道非常之香濃，新鮮入口嘅口感都係好強烈班蘭嘅感覺，用香精係唔會有嘅口感。因為想坐耐啲，見雪糕同斑蘭蛋糕都咁正，就點左個熱食，鹽烤百頁豆腐，甜品店食鹹食😂，估唔到都好好食，豆腐做到個心都有啲c
今次唔同喇🤭！可能疫情關係，食開嗰間食雪糕店無開，我就拉佢黎食呢間純素雪糕店，而且有位坐添，可以慢慢食。
點解我想食呢間因為我啲腸比較敏感，有時食咗奶類會搞肚痛，而呢間雪糕店嘅雪糕標明不含奶類， 適合有乳糖不耐症或對腸胃較敏感嘅人食用，亦都適合純素食者食用。
見到雪櫃有心型檸檬賣，好得意！
我點左個介紹有含80%菲律賓紅肉火龍果嘅雪糕，有少少似雪芭但少咗冰多咗cream嘅感覺，都幾滑，一啲都唔鞋！(邊個話純素雪糕鞋架！🙄😂)
男友試榴槤雪糕，杯裝賣相都幾似💩😏😂，但比火龍果雪糕更creamy，好似食緊雪凍咗嘅榴槤蓉咁。
眼見斑蘭蛋糕好似海綿蛋糕咁鬆軟，但話係心太軟，買埋黎試下，估唔到有少少驚喜，雪櫃睇佢好似好有彈性，但係出到嚟好似有少少脆皮，用匙羹撥開係好稠嘅溶醬，唔係流心，但係班蘭嗰個味道非常之香濃，新鮮入口嘅口感都係好強烈班蘭嘅感覺，用香精係唔會有嘅口感。
因為想坐耐啲，見雪糕同斑蘭蛋糕都咁正，就點左個熱食，鹽烤百頁豆腐，甜品店食鹹食😂，估唔到都好好食，豆腐做到個心都有啲creamy嘅感覺，而且鹹味調較得好好，又夠熱夠香口，份量又算多。
但食完鹹食始終都係要飲番杯嘢，一個飲咖啡一個飲茶，咖啡的奶係素奶，有三種選擇，我點了燕麥奶，味道跟普通咖啡差別不大，只係奶嘅口感無咁厚身。
食完呢餐感覺自己又健康咗！今次仲好似無肚痛添！😂😂😂
而且男友肯轉場了。🤭
张贴
