Fish & Chick (高街) (已結業)

尋日同親戚去西灣Philip牙科醫院，等候期間search下乎近有乜好嘢食，上多兩條嘅高街有一間Fish and Chick，專門食炸魚及烤雞，話炸魚大件，同埋個蜆必食，真係嘅？睇到心思思想快D去食，個肚餓到咕咕聲啦😑等多成個鐘終於走得，好彩唔洗行好遠，好快就到，坐底正值係午市時候，有set lunch，$88起包頭盤、主菜、餐飲仲可追加甜品，我哋叫左兩份Set lunch，另加白酒汁煮鮮蜆，頭盤煙三文魚沙律配蜜糖刁草汁及鮮炸蘑菇沙律，份量一啲都唔少，三文魚夠厚，以前菜嚟講，有三大片已經大滿足，至鐘意嗰兩隻炸蘑菇，炸粉薄，炸完仲可以keep住隻蘑菇咁fresh，切開見香草汁响入邊浪下浪下，超好味👍🏼主菜烤雞半隻配薯蓉，見住烤雞從大轉爐烤起取出，新鮮熱辣，香味十足，肉質鮮嫩，不愧為主打菜之一，傳統英式炸魚配薯條，紐西蘭藍鱈魚，大大件肉質結實，炸粉真係唔厚，絕無欺場，食到在英求學時的回憶味，白酒汁煮鮮蜆，講真間唔中有兩、三隻食到沙，但不失美味，新鮮嘅珍珠蜆用蒜片及白酒一齊煮，加上微微辣椒，我不段用白酒汁配蜆肉一齊食，原汁原味👍🏼👍🏼👍🏼呢餐大滿足，好期待再下次再嚟😍