Moreish & Malt (蕪湖街) (已結業)

今日同女朋友黎食飯，早早之過食過餐廳的姊妹店「Kowloon East Kitchen」，味道驚喜好岩口味，知道佢地有間餐廳開左新分店，中午帶女朋友食個午餐。環境好大好寬敞。大玻璃非常吸光，令人覺得好舒服。lunch menu選擇好多款款都好吸引呀！坐低即刻有餐包，即刻烘熱入口香脆香口，加入蕃茄乾味道好惹味，油醋汁更加係女朋友至愛。叫左杯藍莓、荔枝特飲。入口香甜唔膩，感覺清新開胃。亞洲風味雞翼。濃香醬油味即叫即炸，雞翼香脆唔油膩，肉質極其嫩滑，醬油是精華重點所在，咸香帶出滋味。我叫左自家製肉丸意粉，女朋友叫左大蝦白酒牛油汁扁意大利粉。意粉超讚入口彈牙有咬口，掛上濃濃蕃茄汁酸甜適中好開胃，肉丸鬆軟充滿肉汁，肉質有咬口加上芝士粉好香口。