影片
更多
2021-11-29
38 浏览
~南瓜湯($38)🎃飲得出真係用南瓜打出黎😌，唔會飲落去水水地但口感又唔會太濃稠😙，作為stater就岩晒啦😎。~龍蝦湯($58)🦞其實好少飲龍蝦湯😛，因為都唔係間間有亦唔係間間都整得好飲😌。呢間飲落去都唔錯唔會有陣腥味👍🏻，但如果質感同味道再重返少少效果就會更加好啦🤪。~水牛城素雞($68)🐓估唔到呢個係麥樂雞啲friend呢😎，多得店主推介呢個俾選擇困難症嘅我哋💁🏻♀️，仲好貼心咁幫我呢個以為自己食譚仔五少辣已經算係食得辣嘅人轉咗個醬汁做蜜糖芥末醬😅。呢個菜式真係推介👍🏻，舊雞炸得夠脆身同埋皮夠薄😋(唔係講笑好多餐廳做唔到）點埋蜜糖芥末醬簡直一流😚。~意式黑松露醬野菌意粉($138)🍝通常食嘅黑松露野菌意粉都係會加咗忌廉🤔，呢個就特別啲食落去比較乾身😙，我反而又幾鍾意喎😜，食落去冇咁滯口呀嘛😎。黑松露都絕對唔孤寒😌，唔係得上面少少而係成碟都均勻咁分布😝，而且仲加咗啲甜椒落去🫑，口感更加清新☘️。~慢煮豬肋骨($268)🐷各位重口味人士真係唔好意思啦😅，話說店主兩個真係好有心機去對待每一道菜🥺，所以我都好認真咁樣表達左覺得呢道菜嘅味道稍為濃咗少少😌，點知嗰日又真係咁岩轉咗少少個reci
飲得出真係用南瓜打出黎😌，唔會飲落去水水地但口感又唔會太濃稠😙，作為stater就岩晒啦😎。
~龍蝦湯($58)🦞
其實好少飲龍蝦湯😛，因為都唔係間間有亦唔係間間都整得好飲😌。呢間飲落去都唔錯唔會有陣腥味👍🏻，但如果質感同味道再重返少少效果就會更加好啦🤪。
~水牛城素雞($68)🐓
估唔到呢個係麥樂雞啲friend呢😎，多得店主推介呢個俾選擇困難症嘅我哋💁🏻♀️，仲好貼心咁幫我呢個以為自己食譚仔五少辣已經算係食得辣嘅人轉咗個醬汁做蜜糖芥末醬😅。呢個菜式真係推介👍🏻，舊雞炸得夠脆身同埋皮夠薄😋(唔係講笑好多餐廳做唔到）點埋蜜糖芥末醬簡直一流😚。
~意式黑松露醬野菌意粉($138)🍝
通常食嘅黑松露野菌意粉都係會加咗忌廉🤔，呢個就特別啲食落去比較乾身😙，我反而又幾鍾意喎😜，食落去冇咁滯口呀嘛😎。黑松露都絕對唔孤寒😌，唔係得上面少少而係成碟都均勻咁分布😝，而且仲加咗啲甜椒落去🫑，口感更加清新☘️。
~慢煮豬肋骨($268)🐷
各位重口味人士真係唔好意思啦😅，話說店主兩個真係好有心機去對待每一道菜🥺，所以我都好認真咁樣表達左覺得呢道菜嘅味道稍為濃咗少少😌，點知嗰日又真係咁岩轉咗少少個recipe😛。所以店主最後決定都係用返原先嘅材料🤭，但其實朋友食覺得幾好食😹，我念真係我平時食得比較清淡咁🙈。btw豬肋骨份量十足🤩，仲加埋薯條同埋蔬菜岩晒同朋友share👻。
~招牌粉紅甜心心窩夫($78)🧇
呢個窩夫攞嚟打卡簡直襯晒呢度呀💖，窩夫仲係冇落糖🍭，等客人可以根據自己鍾意嘅口味加埋雪糕一齊食🍨。窩夫外脆內軟熱熱地配埋凍冷冷夠晒creamy的雪糕同其他水果一齊食口感更佳添😝。
~綠茶奶昔($58)🍵
呢個又係要靠店主介紹💁🏻♀️，因為有幾款都好吸引😍，特別係個朱古力同埋草莓牛奶🍓。不過俾我最後都揀咗店主推介嘅綠茶奶昔🍵，果然冇令我失望😎，唔會太甜太滯口😌，而且份量啱啱好😙。
~美人洛神花畫茶($68)🫖
朋友唔知點解勁養生咁叫咗熱茶😂，不過個茶壺又真係外貌100分嘅🤪，簡直想偷個返屋企🤫。個茶要焗一陣再倒落去個杯都飲🍵，倒落去嗰陣望住入面朵乾花慢慢飄起都幾好玩🌸。花茶味到實冇得輸㗎😎，不過個人來講我都係鍾意飲甜野多啲🤭。
✨通常呢啲靚靚打卡餐廳都預咗好睇唔好食🤭，而且肯定冇乜嘢食可以選🤥，點知呢間完全顛覆咗我嘅想像🤩。而環境同佢哋IG一樣真係超多打卡點📸，我一嚟就坐咗落個鳥籠度🕊，雖然瘋狂打卡就冇啦😌，不過坐喺靚靚嘅地方心情都會好啲嘅😚。聽店主講打卡點仲會不定時更換添架😉。
✨另外其實有樣嘢都幾感動🥺，就係佢哋餐廳有融入到共融文化💖，唔止係請佢哋可以比佢哋維持生計💰，仲花咗好多心機去鼓勵同埋俾機會佢哋可以建立返自信🙌🏻，真係好值得欣賞👏🏻。
张贴
