影片
更多
2017-09-08
306 浏览
我個friend係陳柏宇嘅fans，佢知道偶像開咗新舖梗係第一時間想去支持下，不過我個friend係唔食麻辣，而佢知道我非常鍾意食麻辣火鍋，咁我順便可以陪佢壯下膽因為可能可以喺同場見到陳柏宇嘛！放咗學之後我哋搭地鐵去銅鑼灣， Sogo出口行過對面就係嘞！上到七樓梗係要同個friend影相留念，不過我唔會喺度出賣我個friend嘅，呢張係冇佢個樣！ 唔記得講我哋今次係有訂位，每次只係準食兩小時，我哋訂咗七點至九點呢段時間。入到去好大陣麻辣香味，嗰陣味令到我哋個鼻好痕，仲咳咗幾聲，廚房應該喺度炒緊麻辣底。 襯埋大紅燈籠同埋好多古色古香嘅裝修，我真係以為上咗大陸呀！枱上面呢罐係乜嘢？侍應姐姐話呢罐係麻油，係倒入去嗰啲調味料度，撈嚟食火鍋料冇咁辣喎！叫咗個雙併鍋，我同friend啱啱一人一半，佢食藥膳，我食麻辣紅油， 侍應姐姐話藥膳即係有龍眼紅棗淮山嗰啲。個friend好失望呀，因為見唔到陳柏宇，但係招呼我哋嗰啲侍應姐姐好nice好好人，乜野都幫我哋手，見我哋著住校服仲提我哋可以攞圍裙穿。 呢度嘅海鮮好新鮮， 鮑魚係48蚊一隻，大蚌係28蚊一隻，新鮮花蛤皇係88蚊一碟，因為花蛤多所以我哋放一半
放咗學之後我哋搭地鐵去銅鑼灣， Sogo出口行過對面就係嘞！
上到七樓梗係要同個friend影相留念，不過我唔會喺度出賣我個friend嘅，呢張係冇佢個樣！ 唔記得講我哋今次係有訂位，每次只係準食兩小時，我哋訂咗七點至九點呢段時間。
入到去好大陣麻辣香味，嗰陣味令到我哋個鼻好痕，仲咳咗幾聲，廚房應該喺度炒緊麻辣底。 襯埋大紅燈籠同埋好多古色古香嘅裝修，我真係以為上咗大陸呀！
枱上面呢罐係乜嘢？侍應姐姐話呢罐係麻油，係倒入去嗰啲調味料度，撈嚟食火鍋料冇咁辣喎！
叫咗個雙併鍋，我同friend啱啱一人一半，佢食藥膳，我食麻辣紅油， 侍應姐姐話藥膳即係有龍眼紅棗淮山嗰啲。
個friend好失望呀，因為見唔到陳柏宇，但係招呼我哋嗰啲侍應姐姐好nice好好人，乜野都幫我哋手，見我哋著住校服仲提我哋可以攞圍裙穿。
呢度嘅海鮮好新鮮， 鮑魚係48蚊一隻，大蚌係28蚊一隻，新鮮花蛤皇係88蚊一碟，因為花蛤多所以我哋放一半落藥膳湯一半落麻辣湯， 其他鮑魚大蚌都係放藥膳湯，鮑魚同埋大蚌都好鮮甜反而我覺得花蛤皇用麻辣湯浸過，佢個麻辣味令到嗰個花蛤仲好味。
牛肉豬頸肉同羊肉都係每樣叫一碟，牛肉叫細碟係極品手切肥牛腋，$198啲牛肉好滑，豬頸肉砌到好似玫瑰花，$58有三朵，羊肉唔蘇，啲肉好滑，佢話係來自内蒙所以$98一碟。
呢兩碟係就咁食又得，點咗啲湯食又得因為係厨師即刻炸熱送上嚟嘅，小酥肉$68有好香嘅麻香，紫菜響鈴$58。
熊貓竹笙釀蝦$108，竹笙脆蝦膠彈牙，但係好唔明白點解會叫做熊貓囉？ 摩天輪係八寶摩天輪$108，入面每一格都坐住一粒肉丸或者一粒餃子，通通都係彈牙又好味。
紅油麻辣鍋真係唔好講笑，我咁鍾意食辣都覺得可以由腳底辣到上耳仔噴煙咁嘅感覺，唔係講笑真係由腳板底衝上去㗎！
张贴
