隨您鍾意

由小一開始幫襯到而家大二，間中突然好想食手卷，隨您鍾意係我嘅首選，就算唔順路都會特登過去，因為實在太抵食，而質素都唔錯！

特別推介三文魚手卷，紫菜好脆（不過要盡快食，紫菜腍得好快），而且三文魚食到底都仲有，唔似得大部分手卷店，啲魚生放喺面，下面淨係得飯，好寡！另外，軟殼蟹手卷都好好味！

見到有人批評隨您鍾意職員態度惡劣，我都曾經有一兩次唔好嘅經歷，但大部分時間嘅服務都尚算不過不失嘅，都希望店家可以喺呢方面作出檢討，繼續提供優質又實惠嘅食物。