雲南風味過橋小鍋米綫 (已結業)

細細個已經係呢間老字號雲南米線舖食開，大個左食其他米線，尤其果啲咩仔咩哥米線，啲炸醬得個甜字，完全唔係果回事，所以每隔一排，我都會想返黎呢度搵返真正既雲南風味。叫左個酸辣炸醬魚蛋米線+氣鍋雞～🍜米線湯底酸酸辣辣好開胃，魚蛋爽滑彈牙，炸醬係炒香果種，好正，呢啲先係炸醬！🍵如果食到覺得辣，每枱都有壺茶可以斟黎飲～🥘氣鍋雞好鮮味，底下超多雲耳，浸左係啲蒸雞蒸出黎既雞湯度，好鮮味，食到底記得飲返幾啖個湯，簡直係精華所在！