Ron Mak Mak (已結業)

今日來到大坑搵咖啡店無意中發現了這間新開泰菜小店就食個泰式lunch 先去飲咖啡 由泰國人主理 招牌也是泰文無論裝修以至碗碟擺設都是泰國風背景音樂播著舒服的泰國音樂好有氣氛彷彿已經飛咗去泰國一樣 //泰式蝦油大蝦炒金邊粉 $96//食泰菜一定要食PAD THAI，即叫即整，用蝦油及泰式香料去炒好香好夠鑊氣，不太濕亦不太乾，酸酸甜甜口感剛好，炒金邊粉上擺了兩隻已開邊的大蝦，蝦肉新鮮彈牙，確實係好似去泰國旅行食到嘅口味。 //泰式冬陰功蝦炒飯 $98//原隻已割開邊的大蝦放在飯上，影相靚靚之餘又唔駛客人用手剝蝦，炒飯炒得好香，飯粒粒分明。冬陰功味很出，酸酸辣辣好惹味，只是小辣就算不太吃辣也能吃到，而且口感香口。旁邊還有新鮮炸起的蝦片做伴碟，蝦片炸得相當鬆脆，味道帶有胡椒味非常香口。 //蝶豆花豆奶 $45//蝶豆花同豆奶層次分明，顏色吸睛非常適合打卡，豆奶口感不算太甜剛剛好。 //凍泰式奶茶 $45//久違了的泰奶，每次去泰國任何地方基本上每日都要飲一杯。這杯泰式奶茶調教得相當唔錯，不算太甜，奶同茶的比例平均，茶味好出之餘亦飲到泰式奶茶的口味。