茶房別天神

营业中

休息中

仲記得嗰時初初識M佬，我哋都未開始拍拖，佢帶咗我去銅鑼灣食別天神拉麵（竟然係拉麵，而唔係浪漫西餐廳囉），但呢間拉麵確實又唔錯，濃厚嘅豬骨湯底真係同M佬一樣咁迷人！而最喜歡又點少得佢嘅辣芽菜呢！我哋成日都去回味，睇住佢由小店經營，到依家越嚟越多分店，今次就去到太古康怡廣場嘅茶房別天神再度回味。辣芽菜放在枱上嘅調味料都值得介紹？呢個就係別天神嘅魔力。辣芽菜香口彈牙，加落去拉麵度係超好味。不過，有時嚟到會無晒存貨，好彩今日仲有半樽，食晒再叫店員refill。蝦味噌豚骨湯麵呢到嘅拉麵選擇貴精不貴多，分別係豚骨湯麵同埋加入咗櫻花蝦嘅豚骨湯麵，我同M佬都一樣鍾意蝦味噌豚骨湯麵，因為蝦味同豚骨味好夾，令到成個湯底味道大大提升，好濃郁好有層次。除咗櫻花蝦，仲有一隻開邊流心蛋，兩塊厚切叉燒，紫菜同粟米。當然麵質都好彈牙，掛湯力高。餃子皮煎得夠香，肉汁都保存到，都唔錯。