新金島粉麵小廚 (已結業)

最近，得知尖沙咀 Harbour City 外有馬戲團主題聖誕裝飾！我為了拍攝最佳及最少人的相片，不惜提早出門口，走到尖沙咀！搭巴士途經廣東道，見到有個好搶眼的黃色招牌！原來是 <新金島粉麵小廚>！以前是地舖 <新金島魚蛋王>，現在搬上4 樓！昨天星期六，先走來幫襯食早餐，然後才去 Harbour City！ 當我一走入廣東道118 號的商業大廈大堂，近 lift 口位置，有個巨型觀音像！我上到 4 樓一出lift，店員阿姐熱情招呼：靚女入嚟坐啦！ 其實！我懷疑她有沒有看清楚我個樣呢？這裡佔地一層，地方四四正正！又有電視睇！我埋單時才發現原來有露天的餐桌！茶餐廳格局，桌上調味料俱備！餐具以餐紙包好，相當衛生！早餐 $26 有交易，都是大路款式！選擇不多！ 看到印刷精美的餐牌，選擇多籮籮！ 連雲南米線也有！甚至動輒百幾$ 的都有！ 既然叫得粉麵茶餐廳，當然要一嚐粉麵啦！有通粉、米粉、福字麵等。雪菜肉絲+炒蛋米粉 $26雪菜肉絲 - 雪菜不算重口味！略帶微辣幾惹味！肉絲則保持應有的質感！炒蛋 - 火喉恰到好處！炒得幾嫩滑，又富蛋香，不錯！米粉 - 雪白幼身