稻香 (已結業)

先前睇報紙得知稻香一蚊雞 重出江湖,躍躍欲試,
稻香曾幾何時是我的飯堂,說的是(謝菲道、莊士頓道)的歲月,
集團化後已不相往還,
此上環新店因有相熟操業於此,故間有光故,
話說回主角隻雞,是春雞,細細隻,但也是老雞,
老火咗是也,味道亦不甚了了,但食出有D當歸用料,相信對仕女們比較有利,
原來張目四看,明白到雞是任叫的,世界真真美好呀,
再多叫一隻雞,比較一下,
証實都係老春雞,甚失望,
雖側四週都係春雞滿台,但已無甚興至再叫雞矣,

稻香的晚飯菜牌異常簡潔,但多道菜還是停供,
點了青班仔,冇!大龍有,但佢冇漁池,可能係雪野,點吾過,
好比普選,牌面係有得選,其實係選來選去都係管理層耍你選個件,
祇好决定食清蒸多寶魚,出奇地快手,不消三分鐘就拿上台來,
魚是好的,肉夠滑,冇鯹味,証明甚新鮮,
用的油也合格,豉油也可以,整体合水準,
食凍了要求店長加熱,亦甚樂意,服務良好,

洗手間甚清潔,
地下,台面都幾乾淨,光線充足,
有白台布,
餐具系三聚青安,但蒸魚個碟係缸瓦,

以一蚊雞推廣期內,一家大細來吸收蛋白質,實在係扺到極,亦造福人群,