阿閒泰 (世貿中心)

营业中

休息中

世貿中心改裝之後，變得高級咗，啲餐廳面向海景，非常吸引。今日剛好到銅鑼灣搵食，跟同事決定來試吓呢間泰式餐廳。內裡裝潢設計明亮，綠色為主，有田園風格，到處有小白兔公仔踪影，可打卡。煎海蝦芒果牛油果有機藜麥沙律健康又有營養，芒果醬係清新配搭。泰式醉貓豚肉炒卷粉惹味嘅一道炒粉。調味恰到好處，惹味十足。建議配菜多少少色系會更完美。午市套餐包飲品，沙律或蒜蓉包。即磨咖啡有質素，味道濃厚。楊枝甘露沙沙超好味！甜度適中，有粒粒爆炸珠勁正。