金飯館

营业中

休息中

星期二牛頭角做野，12點經過，見餐廳人唔多仲未開始放lunch排隊，諗住既然早左，一於試下好評炒飯。外賣要左個焦香煎焗龍躉飯、香煎安格斯牛柳粒飯、櫻花蝦醬油時菜。入單嗰陣佢話龍躉要等20分鐘，我話無問題，出面轉個圈就20分鐘啦！20分鐘後，餐廳滿座，出面排隊，我揸住張5號外賣單問有未，個女人hea我話整緊好快。被佢地拖多10幾分鐘，我再問有未，佢地又敷衍我話就快。眼見後面遲過我落單既百幾二百號單都已經食完畀曬錢，或者已經外賣攞完走埋，我同佢講做唔出黎就唔應該接單，依家應該退錢！佢地即刻態度惡劣，拖我話退啦退啦，跟住之後轉肽又話唔退已經整好左。就係咁我一個外賣前前後後足足等左50分鐘，佢地中間猛做其他人生意，但錢就照收我，由得我齋企hea我拖住我。我發誓以後都唔會再幫襯，亦唔會介紹任何人黎！如果你心情好，為碟炒飯願等願受氣，即管去考驗/挑戰自己。