牛摩+ (新港城中心(5期)) (已結業)

知道馬鞍山近呢幾個月開左一新日式火煱放題店，上網查過食評，發現劣多於優，真係吾係好想去幫襯，但我太太好喜歡食和牛，我先同太太放馬試試呢間傳聞惡評如潮既"牛摩"；試過後，發現又不如網上食評寫得咁差姐。甫入座，發覺座位與座位之間有一定空間，不致使有種迫澀感，因為我同太太都想用餐時有一定私人空間；服務員遞過餐牌給我後，詳細介紹有邊款和牛同湯底揀；我揀左"澳洲極上和牛小排"，價錢合理，味道不錯，我太太都話ok；我order左5次肉，發現1st round嚟既肉同2nd round嚟既肉，從外觀上明顯係有d吾同，要求店舖經理更換，可是就換不番1st round嚟既咁樣；熟食方面，味道平平，款式不多，且溫度不夠熱。服務方面，服務員會主動清理枱面多餘既吉碟，又主動行埋嚟加湯同問駛吾駛加肉，同埋不厭其煩地介紹推廣優惠，呢一點值得一讚；不過店舖人手就好似吾多夠，舉手後，往往要等幾分鐘先會有服務員應，如人手再加d，服務應該會再好一點。綜觀上述，我同太太應該會再嚟幫襯，希望下次"牛摩"會有改善。