影片
更多
2018-09-02
1366 浏览
係朗豪坊行街行到肚餓，又唔係太想食朗豪坊d food court，皆因次次都好多人。Search咗陣，同男朋友揀咗附近朗晴坊的真心泰國菜。呢間走復古的風格既餐廳，成個餐廳既裝潢擺設讓人有如置身於泰國的氣氛。呢度食物種類都算多，價錢合宜。本來打算叫呢個C set $299套餐，但唔係太鍾意個西蘭花炒鮮蝦，問咗Staff話可以改其他菜，但係要加$40，權衡過後，都驚食唔曬咁多嘢，最後都係決定散叫。特式乾咖哩炒雞球（$120）同其他青咖喱黃咖哩個d唔同，明顯覺得咖哩較為傑身同濃郁。雖然濃郁，但唔會好辣，有甜、香、濃、回甘既感覺。雞球其實係雞扒，放入咖喱之前應該經過煎製，所以皮好香，唔會好肥膩。雞肉唔會煮到過韌，每塊肉都沾滿咖哩。我同男朋友一人叫多碗白飯，用咖哩送飯真係最惹味。平時唔多食澱粉質既我都扒咗成碗飯。唯一覺得有少少不足既就係如果可以有多d薯仔粒或者茄子塊。因為呢兩種蔬菜會比較吸味啊嘛！生菜肉碎包（$108），肉碎加入了洋蔥辣椒香葉炒香，味道鹹香酸酸辣辣，微酸減少咗油膩感令人胃口大開。配上嫩綠爽脆生菜，令平時唔太鍾意食生菜嘅我都食完一塊接一塊。不過，如果唔係好食得辣嘅人都要小心啊，皆因
呢間走復古的風格既餐廳，成個餐廳既裝潢擺設讓人有如置身於泰國的氣氛。
呢度食物種類都算多，價錢合宜。
本來打算叫呢個C set $299套餐，但唔係太鍾意個西蘭花炒鮮蝦，問咗Staff話可以改其他菜，但係要加$40，權衡過後，都驚食唔曬咁多嘢，最後都係決定散叫。
特式乾咖哩炒雞球（$120）同其他青咖喱黃咖哩個d唔同，明顯覺得咖哩較為傑身同濃郁。
雖然濃郁，但唔會好辣，有甜、香、濃、回甘既感覺。雞球其實係雞扒，放入咖喱之前應該經過煎製，所以皮好香，唔會好肥膩。雞肉唔會煮到過韌，每塊肉都沾滿咖哩。
我同男朋友一人叫多碗白飯，用咖哩送飯真係最惹味。平時唔多食澱粉質既我都扒咗成碗飯。唯一覺得有少少不足既就係如果可以有多d薯仔粒或者茄子塊。因為呢兩種蔬菜會比較吸味啊嘛！
生菜肉碎包（$108），肉碎加入了洋蔥辣椒香葉炒香，味道鹹香酸酸辣辣，微酸減少咗油膩感令人胃口大開。
配上嫩綠爽脆生菜，令平時唔太鍾意食生菜嘅我都食完一塊接一塊。不過，如果唔係好食得辣嘅人都要小心啊，皆因呢個肉碎辣度都有🌶️🌶️🌶️咁多㗎！
食完呢兩道餸之後，我同男朋友都飽咗9成，好大原因都係因為我地order咗呢杯三色冰（$39）。
除咗有綠豆粉同班蘭葉嘅綠色粉條、大樹菠蘿味嘅黃色粉條，仲有一粒粒透明白白地應該係椰子糖嘅嘢。呢杯三色冰料多夠實在，尤其粒椰子糖好香甜軟糯，唯一扣咗D分係實在甜得過分，可能因為我自己唔係太過嗜甜，反而屬螞蟻嘅男朋友就飲得好開心。
餐後仲有甜品送，係好簡單嘅椰汁糕。
用羹畢落去，見到嗰底仲有D西米同椰肉，比起一般椰汁糕多咗D小驚喜。
我地兩個人，簡簡單單兩個餸，兩碗飯，一杯嘢飲，一共使咗$327蚊。人均160多幾蚊，算係稍微貴咗DD。不過如果一大班朋友4、5個人一齊Share，價錢又會平D，試到嘅嘢又會多D，整體嚟講都OK㗎。最主要味道確實唔錯，夠真心，夠泰國🇹🇭！
张贴
