影片
更多
2017-06-06
79 浏览
同朋友傾開計發現大家都好耐都無食韓燒，忽然癮起想放縱一下食燒肉，就決定去試下呢間熨烤達人啦。聽講係用熨斗燒肉，真係從來未試過。🤔餐廳唔係太多位，但裝修幾特別，好切合熨烤既主題，枱面仲有主角—好可愛既熨斗放左係到。由於menu太多野揀，我地就決定叫呢個熨斗烤壓餐，咁就可以樣樣野都試少少啦。磚頭五花腩由於燒五花腩過程比較複雜同需時，店員首先幫我地燒左五花腩先。原來用熨斗壓住啲肉，作用係燒既時候可以鎖住肉汁同埋保持肉質既鮮嫩。五花腩好大份，燒完之後外皮變得非常香脆，肉質都唔會話太乾太嚡。調味豬皮燒完五花腩，店員就轉用網燒幫我地燒豬皮。我都係第一次試韓燒既豬皮，原來食落口感煙煙韌韌，感覺好似食左好多骨膠原咁，都幾得意。一口雪花牛粒每一粒雪花牛粒既size都切得好平均，燒既時候要比啲耐性逐面慢慢燒。肉粒本身好厚身，所以燒完之後都會鎖住左好多肉汁係入面，咬落去超juicy。M9霜降西冷脂肪既分佈好平均，肉片本身亦都有返少少厚度。燒完之後脂肪溶成油，入口充滿住油脂香，肉質仲好鮮嫩。牛肩脾肉一黎到就見到牛肩脾肉既色澤非常靚，夠鮮紅。佢既脂肪比例比M9霜降西冷少，所以肉質比較紮實。配埋生菜，豆瓣醬同大豆
餐廳唔係太多位，但裝修幾特別，好切合熨烤既主題，枱面仲有主角—好可愛既熨斗放左係到。
由於menu太多野揀，我地就決定叫呢個熨斗烤壓餐，咁就可以樣樣野都試少少啦。
磚頭五花腩
由於燒五花腩過程比較複雜同需時，店員首先幫我地燒左五花腩先。原來用熨斗壓住啲肉，作用係燒既時候可以鎖住肉汁同埋保持肉質既鮮嫩。五花腩好大份，燒完之後外皮變得非常香脆，肉質都唔會話太乾太嚡。
調味豬皮
燒完五花腩，店員就轉用網燒幫我地燒豬皮。我都係第一次試韓燒既豬皮，原來食落口感煙煙韌韌，感覺好似食左好多骨膠原咁，都幾得意。
一口雪花牛粒
每一粒雪花牛粒既size都切得好平均，燒既時候要比啲耐性逐面慢慢燒。肉粒本身好厚身，所以燒完之後都會鎖住左好多肉汁係入面，咬落去超juicy。
M9霜降西冷
脂肪既分佈好平均，肉片本身亦都有返少少厚度。燒完之後脂肪溶成油，入口充滿住油脂香，肉質仲好鮮嫩。
牛肩脾肉
一黎到就見到牛肩脾肉既色澤非常靚，夠鮮紅。佢既脂肪比例比M9霜降西冷少，所以肉質比較紮實。配埋生菜，豆瓣醬同大豆芽菜一齊食，仲可以中和返燒肉既油膩感，味道比較清新之餘，感覺仲比較健康。順帶一提，生菜仲可以免費refill添架。
爐邊蛋
除左一邊燒肉，仲可以一邊燒爐邊蛋。我地落左芝士，粟米同泡菜落去蛋漿到，食落口感幾豐富，仲有濃濃既芝士鹹香。
食燒肉又點少得酒呢，我地就叫左個柚子初飲初樂。呢隻酒一入口首先有濃烈既酒精味，之後就有淡淡清新既柚子味，味道幾有層次，唔錯。總括黎講，今次韓燒用熨斗燒肉都幾得意幾好玩。另外店員既服務態度都好好，佢地見我地雞手鴨腳咁仲會過黎幫我地燒肉，又會教我地啲肉應該要燒幾耐先係最好，值得加分。
张贴
