熨烤達人 (已結業)

約咗一個好鍾意走韓國風嘅朋友食飯，所以就同佢食韓式燒肉，韓燒我都食過好多間，不過今次呢間有啲特別，因為佢有一個特別嘅工具嚟燒，就係熨斗。先講下啲配菜先，有前菜同泡菜，仲有啲芝士粟米係用嚟燒蛋漿，泡菜前菜都有得refill,不過蛋漿refill 就要加錢。肉類我哋就叫咗厚切五花肉，牛舌，牛排肉，牛勒骨。我重點推介五花肉，燒肉嘅時候店員都會好貼心咁幫你燒，而呢個五花肉就係要用熨斗嚟燒！將個肥膏嗰面放喺底，跟住用個熨斗壓住佢，唔知係咪因為呢個特別嘅煮法，令到出嚟嘅五花肉雖然好厚，但係一啲都唔韌，外面好脆，裏面啲肉軟林林好juicy!值得推介！食啲熱氣野，有時真係忍唔住叫啲涼浸浸嘅野飲，我叫咗杯荔枝smoothie cider,飲完好冰涼好正，不過就有小小甜得滯！不過食燒肉飲就ok!