火山燒 (已結業)

呢度個環境幾好，好寬敞，而我們被安排到卡位座。 每枱匀有吸油煙機、有助減少油煙量。前菜是：沙律菜/冷麵/枝豆沙律菜主要是生菜，爽口多水份，沙律汁是微酸，有助開胃。冷麵的汁很好味、調味香濃，但略嫌有點淋身，彈牙一點會較好。枝豆帶有少少鹹味，唧唧唧幾過癮。好鬼多火山石呀！跟其他燒物店不一，這是最original的做法，未嘗唔係好事，個火爐都OK大火喉，好快熟！Order了一大堆食物，我們先把貝殼類放在石上燒，這兒是最最最受熱的地方。青口見熟就可即食，以免燒乾水或者縮得太勁！青口質感嫩滑，青草味唔算好重。這碟是我們的肉類。牛脷真的很薄，把它燒至金黃色，味道挺不錯。細細塊的牛小排質感柔滑，肉汁鎖著係入面而做到不韌的口感，食落好多汁且唔太肥膩，值得encore！五花腩片超薄。所以拿來燒真是恰到好處，油脂豐富，牛肩肉牛味香濃，肥痩適中。燒燒下叫朋友幫我燒！仲叫左一大堆蔬菜，無咁DRY～ 燒車厘茄，秋葵我都超鐘意食的！想不到燒原個薯仔也是很好吃的—大致上食物是沒有經調味的，原汁原味， 新鮮與否一試就知，亦可加入提供的調味汁。