大將 (已結業)

平時出街食飯都鍾意食下日式邊爐，無咁油膩又可以食啲菜健康啲！今次嚟咗將軍澳呢間大將，見到門面裝修都幾靚，入面都好大坐得好舒服！唔知以為嚟咗食自助餐，因為出面除咗火鍋嘅配料，仲有好多熟食，仲可以自己整甜品例如窩夫嗰啲咁！試左青瓜同泡菜，味道都正常！留意到啲熟食仲會轉款，本身係牛脷跟住就變咗燒雞，試咗兩件發覺雞肉都幾嫩滑！叫咗個澳洲和牛套餐，店員好細心咁一早幫我哋order 左啲牛，原來呢個設計係下面用嚟放肉，上面就放配料，極推介南瓜，好甜，超級好食！見到湯底有個富士蘋果湯，幾特別就要左黎試吓，味道酸酸地幾清新！朋友就要左博多味噌湯，味道都唔錯！和牛肥瘦適中，入口有牛味，蘋果湯酸酸地仲可以令到啲肉無咁膩，我同朋友都每人食左兩碟牛！五花肉雖然邪惡，但真係好好食，啲豬皮同脂肪好彈牙，好難抗拒！間餐廳仲有自動機械人傳菜，超級可愛，見到好多食客都忍唔住影相！相信小朋友一定超級鍾意！