Food Combo (已結業)

屯門開左Donki，今日同屋企人掃完貨就行左去新墟食飯，就發現左呢間food combo，一入到去，就見到天花板有好大個Food Combo燈牌，水吧位都有一個Food Combo木牌，成間餐廳都係年輕男生主理，因為我拎住一袋二袋，佢地安排左角落頭位置比我坐得舒服點，謝謝一坐低，就見到水吧角位用左包膠包住，應該係唔想客人會撞到整親，係呢啲小事都睇得出餐廳係為客人著想疫情關係，檯與檯之間都有一塊隔板，去隔板係鎖死左係檯，一點也不馬虎新鮮菠蘿火腿pizza上檯個陣 職員已經將pizza切到一口的尺寸，方便客人食用，有新鮮菠蘿、火腿，配埋蕃茄醬、芝士同埋芝士粉，味道都幾好食Combo 水果茶同菠蘿冰水果茶入面都好足料，有火龍果，菠蘿，桃等等菠蘿冰入面係有新鮮菠蘿，連飲管都係菠蘿圖案，兩杯冰凍飲品酸酸甜甜十分解暑Combo西班牙海鮮飯用料照多，墨魚仔、蝦、椒、豆、青口、三文魚、腸，成個飯色彩豐富，好適合打卡，食落去每一口都食到材料，食得好滿足，薑黃飯口感偏軟身，好易入口