三川居酒屋 (已結業)

最近要去銅鑼灣做野，所以都多左係呢頭食野。而三川屋呢間就係其中一間，本身貪佢近mtr，食完可以即閃。呢度既野食價錢都唔貴，味道都幾好味。生蠔仲要好新鮮鮮美，食完成日心思思想翻兜。✨推薦✨三川雜錦魚生（$168）：呢個刺身包括了生蠔、三文魚、赤身、帶子和油甘魚。真係估唔到呢度既刺身可以咁新鮮，因為餐牌都無相睇。🙈 $168其實真係唔貴，特別係生蠔真係好新鮮鮮美。本身仲想再點單隻食，果日就$58一隻，但因為唔可以食太多，就無點啦！帶子鮮甜又滑，油甘魚夠甘香，真係好想再食。---大板難波牛肉石頭飯（$128）：牛肉好大塊牛香濃郁，燒汁又夠香。飯入面仲加了泡菜，增加左飯香，石頭鍋耐熱程度高，慢慢食亦仲熱辣辣。---✨推薦✨優選牛柳串（$45）：呢個牛柳串牛柳上乘，食落脂香多汁，肉質軟嫩。配上黑胡椒真係一流。最緊要係師父手勢好，火喉岩岩好。👍🏻鳥手羽燒（$42）：雞皮燒到香脆，帶少少焦香。同時燒走過多既油脂。雞肉肉質燒得岩岩好，岩岩熟仲好鮮嫩，調味可以再濃味少少就更好啦。三川屋刺身真係用料上乘又新鮮，特別係生蠔！ 牛柳串亦很推介，而且價錢都好合理。值得再光顧！👍🏻👍🏻👍🏻