同撈同煲

营业中

休息中

來到九龍城打邊爐， 餐廳係舊式茶餐廳裝修風格，好有懷舊嘅感覺。試裝限定嘅胡椒豬肚雞湯做湯底， 湯底有好多料又一大嚿豬骨同埋好多豬肚， 雞仲要係另上，好多雞肉可以食。手切肥牛細份，肉質新鮮，肥瘦都算適中， 食落彈牙有肉味。店員推介我哋斯海鮮拼盤，保證新鮮，入面有鮑魚蟶子皇同埋海蝦， 最好食係蟶子皇又大隻又新鮮。另外嗌咗千頁豆腐同埋油麥菜， 最後送咗甜品畀我哋食，有懷舊啫喱杯可以揀落唔落花奶， 同埋油糖不甩。 糖不甩係鯉魚形狀，會掉落湯度煮， 得意得嚟味道又好食。