木子甜品 (已結業)

同一家人食完飯，想食糖水，喺呢度搵到間木子甜品就去試下，老闆娘推薦 心太軟，但係我一般都好少叫心太軟，雖然我好鐘意食黑朱古力，亦因為食過好多間都唔會係流心，所以都唔點叫呢食。但係今次完全無令我失望，熱辣辣，一切開，d朱古力就流哂出黎，而且唔太甜，加埋個雪糕既配搭，一凍一熱，口感一流！木瓜蘋果海底椰既用料都好新鮮，木瓜味濃郁又唔太甜！紅棗竹笙燉雪耳，好清甜，竹笙雪耳都好爽口，又一證明用料新鮮！手工豆花系列，雪糕球用豆腐制成，味道濃郁！