Comfy by Chef's Stage (東廣場)

营业中

休息中

悠長既新年假期黎到尾聲啦！🐯大家有冇去唔到地方品嘗美食呢？好食既餐廳一定會想再三回味！位置觀塘的Comfy by Chef's Stage，已經係第三次到訪🙊軟殼蟹牛油果漢堡份量十足，原隻軟殼蟹炸到卜卜脆！蟹肉鮮嫩🦀，牛油果多到滿瀉🤤 加埋生菜同蕃茄中和油膩口感！而且麵包好貼心有微微烤暖 💕 配上粗薯條，每條都炸得香脆可口，仲有紫椰菜的微酸，可以令口腔清爽！煙三文魚賓尼迪蛋酸種麵包🥯酸種麵包因為有微微烤過口感似法式麵包，蛋液流出浸滿麵包，加埋煙三文魚咸香真係好好食！重點反而係一片青瓜爽脆清新，令整個菜式不單調😋冰磚偽咖啡非常IGable 😍 矮身玻璃杯放著咖啡冰磚，朱古力碎，高身玻璃杯放著朱古力，兩者融合後變成漸層好靚，味道相當濃郁，而且用了咖啡冰磚 放久後味道都不會變淡👍🏻穀麥鮮奶咖啡估唔到用了非常充足，差不多半杯都係穀麥🤣 飲完一杯一定好飽！整體來講 食物唔算好特別、但勝在用料新鮮！因為新鮮令到食物更好食！餐廳仲係寵物友善餐廳，可以心愛的寵物一齊分享美食🐶