影片
更多
2018-05-18
69 浏览
🐥🍲老重慶奇味雞煲(小$168 大$278)今次嚟到北角呢間好多好評嘅雞煲餐廳打邊爐，除咗雞煲之外，魚鍋都非常出名，不過今次就試左雞煲先。落左單大約等10分鐘左右雞煲就黎到，熱辣辣既雞煲香噴噴，店家獨特烹調嘅醬汁好濃味，小辣既醬汁只有微微既辣但都好好逃，就算唔食得辣都唔怕👌🏻雞件大大件，肉質嫩滑唔錯，配料仲有洋蔥同冬菇，冬菇炆得超入味，完全吸收晒醬汁嘅日月精華，食唔停口🤣咁食到咁上下就梗係開始打邊爐啦，叫咗鮮墨魚滑($48)、菜肉雲吞($45)、韭菜餃($45)、午餐肉($40)同埋鮮雞雜($58)，通常食雞煲既邊爐配料都係麻麻地，但呢度既野都好新鮮，最出色係雞雜入面既雞粉腸，鮮味而且粉粉地質感真係一流👍🏻飲品方面，食咁熱氣既雞煲邊爐就梗係唔少得飲返渣竹樜茅根，呢度嘅竹樜茅根係老闆每日新鮮煲嘅，味道清甜滋潤，飲完喉嚨舒服晒，黎到一定要叫👍🏻🌶🐂水煮牛頸脊（$118)呢度除咗可以打邊爐食雞煲之外，原來仲可以食埋川菜㗎😍🌶 因為食雞煲邊爐都已經有小小飽，所以我哋淨係叫咗一個川菜試下。叫左佢哋非常推介嘅水煮牛頸脊，真心無介紹錯，呢個牛既部位味道有啲似肥牛，但牛味更濃、肉質更加厚身，非常有口感
🐥🍲老重慶奇味雞煲(小$168 大$278)
今次嚟到北角呢間好多好評嘅雞煲餐廳打邊爐，除咗雞煲之外，魚鍋都非常出名，不過今次就試左雞煲先。落左單大約等10分鐘左右雞煲就黎到，熱辣辣既雞煲香噴噴，店家獨特烹調嘅醬汁好濃味，小辣既醬汁只有微微既辣但都好好逃，就算唔食得辣都唔怕👌🏻雞件大大件，肉質嫩滑唔錯，配料仲有洋蔥同冬菇，冬菇炆得超入味，完全吸收晒醬汁嘅日月精華，食唔停口🤣
咁食到咁上下就梗係開始打邊爐啦，叫咗鮮墨魚滑($48)、菜肉雲吞($45)、韭菜餃($45)、午餐肉($40)同埋鮮雞雜($58)，通常食雞煲既邊爐配料都係麻麻地，但呢度既野都好新鮮，最出色係雞雜入面既雞粉腸，鮮味而且粉粉地質感真係一流👍🏻
飲品方面，食咁熱氣既雞煲邊爐就梗係唔少得飲返渣竹樜茅根，呢度嘅竹樜茅根係老闆每日新鮮煲嘅，味道清甜滋潤，飲完喉嚨舒服晒，黎到一定要叫👍🏻
🌶🐂水煮牛頸脊（$118)
呢度除咗可以打邊爐食雞煲之外，原來仲可以食埋川菜㗎😍🌶 因為食雞煲邊爐都已經有小小飽，所以我哋淨係叫咗一個川菜試下。叫左佢哋非常推介嘅水煮牛頸脊，真心無介紹錯，呢個牛既部位味道有啲似肥牛，但牛味更濃、肉質更加厚身，非常有口感，又香又麻又辣，食得好過癮！黎到一定一定要叫埋👍🏻 所以就算下次如果唔食邊爐，簡單叫幾碟小菜、一碗白飲加一支大啤，都已經好滿足👍🏻
张贴
