辣得棧海鮮火鍋專門店 (已結業)

前幾日係黃埔做完嘢，唔想周圍走，所以就係附搵食啦！見好耐都冇打過邊爐，我哋好快就決定咗個晚食乜啦！Hahahahaha…😁坐低後我哋好快揀咗個精選二人火鍋套餐，入面包括海鮮及其他火鍋配料，仲可以用半價挑選火鍋湯底！😍😍😍我哋揀咗個鴛鴦鍋，一邊係麻辣另一邊係雜菌湯底，而個火鍋拼盤一上枱真係非常之吸睛，有鮑魚、蝦、蟹、蜆、多款手打丸、牛胸爽、黑毛豬腩肉、美國梅肉片等等，真係非常之豐富！我個人特別鍾意牛胸爽，食落非常之爽口，仲有啲海鮮都好新鮮同肥美！呢個份量已經夠兩個女仔食得飽飽的，又唔會太滯，份量啱啱好，滿足！🥰😍留意到呢一度有啲卡位仲有埋電視的，啱晒追開劇嘅人，既可以享受外出用膳唔洗煮同洗嘢，仲可以一邊享受美食同一邊睇電視！正呀！😝😝😝